Robert Wilson (Waco, Texas, 1941eko urriaren 4a - Water Mill, New Yok, 2025eko uztailaren 31) estatubatuar antzerkilaria eta artista izan zen. Ikasketak Texaseko Unibertsitatean egin ondoren, autisten eta gorrenterapiaren inguruan hasi zen lanean. Hala, 1971n, ''Gorraren begirada'' ikuskaria sortu zuen: New Yorkeko Byrd Hoffmann Schoolen egindako ikerketen emaitzak biltzen dituen ikuskizuna. Arrakasta handia izan zuen, eta Nancyn eta Parisen erakutsi zuen. Gero, Europan hasi zen lanean eta jarraitu zituen ikerketak, John Cage musikagileak isiltasunaren eta musikaren arteko harremanaren inguruan egin zituen lanetan oinarrituta askotan. Wilsonen ikuskizunek argi erakusten dute artistak testu eta ondare klasikoan zuen interesa: bi osagarri horiek bertsio pertsonal baten mende jartzen ditu, eta bateratu egiten ditu mintzamena, musika, jokoaren eta dantzaren inguruko Ekialdeko tradizioa eta hotsaren eta argiaren inguruko ikerketak. Irudiko antzerki horretaz gainera, bideoak egin ditu, eta diseinatzaile-lana ere bai.
Wikipediatik informazioa lortu