John Ray

John Ray, (Black Notley, Ingalaterra, 1627ko azaroaren 29a - ''ibidem'', 1705eko urtarrilaren 17a), naturista britainiarra izan zen. Bere lanik nagusia ''Historia generalis plantarum'' liburua da.

1664an Francis Willughbyrekin batera 391 sarrera dituen latina-okzitaniera-gaztelania-arabiera-mendebaleko euskara ("Latine", "Provencel", "Hispanice", "African" eta "Biscay") hiztegia idazti zuen, Europan barna bidaian ibili ondoren.

Biologia modernoaren aitzindaria izan zen. Biologia sistematikoaren oinarriak jarri zituen; animalien eta landareen sailkapen zehatza egin zuen. Landare kotiledoi-bakarrak eta kotiledoi-bikoak desberdindu zituen lehena izan zen, baita mota kontzeptua ere, gaur egun erabiltzen den zentzuan, definitu eta azaldu zuena ere. Obra nagusiak: ''Ornithologia'' (1676), ''Methodus plantarum nova'' (1682), ''Historia generalis plantarum'' (1686-1704), ''The Wisdom of God Manifested in the Works of the Creation'' (1691) eta ''Historia insectorum'' (1710. urtean argitaratua). Wikipediatik informazioa lortu