Rabindranath Tagore

Athronydd, dysgeidydd a llenor yn yr iaith Fengaleg oedd Rabindranath Tagore (1861 - 1941), a aned yn Calcutta, yng Ngorllewin Bengal, India. Roedd yn fab i'r diwygiwr crefyddol Debendranath Tagore (1817 - 1905), sefydlydd ''ashram'' "Cartref Hedd" yn Calcutta a drowyd yn ganolfan addysg gan ei fab ar ôl ei farwolaeth. Urddiwyd Tagore yn farchog gan Brydain yn 1915 ond fe roddodd heibio'r anrhydedd yn 1919 fel protest yn erbyn Cyflafan Amritsar.

Roedd Tagore yn awdur barddoniaeth, dramâu a ffuglen yn Fengaleg, yn gerddor ddawnus ac yn artist da. Ei waith mwyaf adnabyddus yn y Gorllewin yw'r gyfrol ddylanwadol o gerddi ''Gitanjali'', a gyfieithwyd i'r Saesneg yn 1912. Ennillodd y Wobr Nobel yn Llenyddiaeth ym 1913. Beirniadwyd ef gan Gandhi fel hyn: 'rhowch i ni weithredoedd nid geiriau.' Cafodd hyn effaith drom ar Waldo Williams. Darparwyd gan Wikipedia