Don Quixote da Mancha

''Don Quixote da Mancha'' (en ), é unha novela escrita por Miguel de Cervantes. Publicada a súa primeira parte co título de ''O enxeñoso fidalgo don Quixote da Mancha'' (en ) a comezos de 1605, é a obra máis destacada da literatura española e unha das principais da literatura universal. En 1615 apareceu a súa continuación baixo o título de ''Segunda parte del ingenioso caballero don Quijote de la Mancha''. O ''Quixote'' de 1605 publicouse dividido en catro partes; pero semella que o ''Quixote'' de 1615 en calidade de ''Segunda parte'' da obra, quedou revocada de feito a partición en catro seccións do volume publicado dez anos antes por Cervantes.

É a primeira obra xenuinamente desmitificadora da tradición cabaleiresca e cortés polo seu tratamento chanceiro. Representa a primeira novela moderna e a primeira novela polifónica; como tal, exerceu un enorme influxo en toda a narrativa europea. Por considerarse «o mellor traballo literario xamais escrito», encabezou a lista das mellores obras literarias da historia, que se estabeleceu coas votacións de cen grandes escritores de 54 nacionalidades a petición do Club Noruegués do Libro en 2002; así, foi a única excepción na estrita orde alfabética que se dispuxo.

Foi traducido ó galego en 1990 por Xela Arias, Valentín Arias, Xosefa S. Fernández, A. Palacio Sánchez, Xavier Senín e Xesús Senín (Xuntanza, ISBN 84-86614-64-3). Esta tradución, do texto completo, fora precedida pola tradución dun fragmento do capítulo 11 da primeira parte, realizada por Antón Valcárcel e publicada no nº 6 d'''A Nosa Terra'', do 5 de xaneiro de 1917, e pola de Juan Beceiro en 1972. Segundo Xesús Alonso Montero, este foi o primeiro texto de Cervantes traducido ó galego. miniatura|dereita|Varias edicións do Quixote, entre elas dúas en galego. Provided by Wikipedia