Brian Price

Brian Price (Deri, 1937ko urriaren 30a - 2023ko abenduaren 18a) galestar hamabosteko errugbilaria izan zen, bigarren lerroko postuan aritzen zena.

Galesko hegoaldean jaioa, lanbidez irakasle izan zen. 1960an Newport RFC taldean hasi zen jokatzen. 1960an bere taldearekin Hegoafrikako errugbi selekzioari irabazi eta handik gutxira Barbarians FCrekin aurkari beraren aurka partida bikaina jokatu ondoren, Galesko errugbi selekzioarekin 1961eko Bost Nazioen Txapelketa jokatzeko aukeratu zuten. 32 partida jokatu zituen Galesekin. Newporteko kapitaina izan zen 1963ko Zeelanda Berriko errugbi selekzioaren aurkako garaipenean, eta Galesko kapitaina ere izan zen. 1966an British and Irish Lions taldeak Australia eta Zeelanda Berrira egindako biran parte hartu zuen. Wikipediatik informazioa lortu