Boris Polevoi

Boris Nikolaievitx Polevoi (Mosku, 1908ko martxoaren 17a - ''ib.'', 1981eko uztailaren 12a) errusiar idazlea izan zen.

Kazetaria izan zen Bigarren Mundu Gerra bitartean. Gerrako eleberriak eta abertzaletasuna goraipatzen zutenak idatzi zituen. Haren eleberri nagusiak, ''Benetako gizona'' (1946), Meressiev hegazkin-pilotuak Bigarren Mundu Gerran egindako balentriak kontatzen zituen eta Stalin saria jaso zuen 1947an. 1962an ''Younost'' (''Gazteria'') aldizkariko erredaktoreburu izendatu zuten. Ezagutu zituen pertsonak eta bizi izan zituen gertakariak aipatu zituen bere liburuetan. Beste idazlanak: ''Gu sobietarrok'' (1948), ''Ibaiertz basatian'' (1962), ''Taiffun suntsitu zutenekoa'' (1971), ''Berlin 596 km'' (1972). Wikipediatik informazioa lortu