Magnús Magnússon

Newyddiadurwr, hanesydd a chyflwynydd teledu o Wlad yr Iâ oedd Magnús Magnússon (12 Hydref 1929 - 7 Ionawr 2007).

Cafodd ei eni yn Reykjavik, Gwlad yr Iâ, ond symudodd ei deulu i fyw yn yr Alban pan oedd yn dal yn blentyn. Aeth i'r ysgol yng Nghaeredin. Graddiodd yn Saesneg o Goleg yr Iesu, Rhydychen, a gweithiodd fel newyddiadurwr ar y ''Scottish Daily Express'' ac wedyn fel is-olygydd ar ''The Scotsman''. Gweithiai ym myd darlledu o 1967 ymlaen a daeth yn enwog fel cyflwynydd hir-dymor y gyfres gwis eiconaidd ''Mastermind''. Roedd yn awdur nifer o lyfrau gan arbenigo ar hanes a llenyddiaeth y Llychlynwyr. Darparwyd gan Wikipedia