Margaret Jones

| llais = }}

:''Am yr arlunydd o'r un enw, gweler Margaret Jones (arlunydd).''

Awdur teithio o Gymru oedd Margaret Jones (Mawrth 1842 – 18 Hydref 1902). Daeth yn adnabyddus am ysgrifennu am ei theithiau mewn gwledydd dramor a gyhoeddwyd o dan y ffugenw Y Gymraes o Ganaan.

Roedd yn hanu o Rhosllannerchrugog, Sir Ddinbych. Cychwynnodd ei gyrfa fel llawforwyn i deulu yn Lloegr, cyn treulio blynyddoedd lawer yn teithio a gweithio ym Mhalesteina a Libanus yn gyntaf, Moroco yn ddiweddarach, ac yna Unol Daleithiau America ac Awstralia, cyn setlo i briodi yn Awstralia yn hwyrach yn ei bywyd. Cyhoeddwyd llawer o'i llythyron o Balesteina, at ei theulu yn ôl yng Nghymru, yn 1869 dan y teitl, ''Llythyrau Cymraes o Wlad Canaan'' , ac yna wedi treulio peth amser ym Moroco ar daith wahanol, cyhoeddwyd disgrifiad o'u profiadau yno yn 1883 dan y teitl, ''Moroco a'r Hyn a Welais Yno''.

Aeth wedyn ar daith drwy'r Unol Daleithiau gan fynd ymhellach eto i gyfandir Awstralia ble priododd ffarmwr o'r enw Josey. Bu farw ar 18 Hydref 1902 yn Redbank Plains, Queensland, Awstralia. bawd|chwith|Ffoto o Margaret Jones a gymerwyd tua 1875 gan John Thomas Darparwyd gan Wikipedia