John Field

Cumadóir agus pianódóir Éireannach ab ea John Field (26 Iúil 1782, Baile Átha Cliath – 11 Eanáir 1837, Moscó). Tá sé de cháil air gurb é an chéad chumadóir é a chum nochtraithe, mar a thuigimid inniu iad.

Rugadh i dteaghlach ceolmhar i mBaile Átha Cliath é agus is sa chathair sin a fuair sé an chéad chuid dá oideachas, go sonrach sa cheol leis an gcumadóir Iodálach Tommaso Giordani. Bhog an teaghlach go Londain in 1793, agus rinne Field staidéar ansin le Muzio Clementi. Tharraing Field an-cháil air féin mar phianódóir ceolchoirme agus é faoi stiúir Clementi. I dteannta a chéile, thug Clementi agus Field cuairt ar Pháras, ar an Vín agus ar Chathair Pheadair. Curtha ar fáil ag Wikipedia