Jagannatha

320px|bawd|Jagannatha (de) gyda'i chwaer Subadra (canol) a'i frawd Balarama (chwith)

Duw Hindŵaidd yw Jagannatha (Sansgrit: जगन्नाथ ''jagannātha'' Orïeg: ଜଗନ୍ନାଥ), sy'n ffurf ar Vishnu-Krishna ac a addolir yn India - ar draws Bengal ac Orissa yn arbennig - ac mewn mannau eraill lle ceir cymunedau Hindŵaidd. Fe'i cysylltir yn neilltuol gyda dinas Puri, yn Orissa, lle dethlir y ''Jagannatha Puri'' yn Nheml Jagannatha, man cychwyn y Rath Yatra, gorymdaith gyda cherbyd anferth Jagannatha (tarddiad y gair ''juggernaut''). Mae Teml Jagannath yn un o'r canolfannau mwyaf o'i math a ystyrir gan nifer o Hindwiaid fel un o'r pedair prif deml yn India. Ystyr yr enw Sansgrit ''jagannatha'' yw 'Arglwydd (''nātha'') y Byd' (''jagat''), un o enwau hynafol Krishna. Darparwyd gan Wikipedia