David Halberstam

Newyddiadurwr ac awdur o'r Unol Daleithiau oedd David Halberstam (10 Ebrill 1934 – 23 Ebrill 2007). Roedd yn ohebydd rhyfel yn Fietnam yn ystod yr argyfwng Bwdhaidd a Rhyfel Fietnam, ac enillodd Wobr Pulitzer ym 1964 am ei adroddiadau o'r wlad honno. Roedd yn rhan o garfan o newyddiadurwyr, gan gynnwys Peter Arnett a Malcolm Browne, a gafodd ffrae yng Ngorffennaf 1963 gyda heddlu cudd Ngô Đình Nhu. Ei lyfr enwocaf yw ''The Best and the Brightest'' (1972), hanes o weinyddiaethau'r Arlywydd Kennedy a'r Arlywydd Johnson a sut y ddatblygodd bolisi tramor Americanaidd yn y 1960au i ddanfon lluoedd i Fietnam.

Bu farw mewn damwain ffordd yn Menlo Park, Califfornia. Darparwyd gan Wikipedia