Friends

''Friends'' é unha serie de televisión estadounidense, creada por Marta Kauffman e David Crane, producida en asociación coa Warner Bros. Television, filmada nos estudios da Warner Bros. en Burbank, California, e emitida por vez primeira o 22 de setembro de 1994 na cadea NBC.

Inmediatamente despois do éxito no seu país, comezou a súa difusión por todo o mundo con similares resultados, sendo considerado unha das mellores series na historia da televisión segundo múltiples críticas e ''rankings'' de series de televisión.

A serie está composta de dez tempadas duns 24 capítulos cada unha, agás a terceira e a sexta que tiveron 25 e a última que só tivo 18.

Unha vez finalizada, rodouse Joey, un ''spin off'' sobre a vida do personaxe homónimo nos Ánxeles. Tamén tivo un breve cruzamento coa serie ''Mad About You'', cando Jeamie e Lisa entraron en Central Perk e confundiron a Phoebe Buffay coa súa irmá xemelga Úrsula. Provided by Wikipedia