Janet Frame

Janet Paterson Frame, nada en Dunedin o 28 de agosto de 1924 e finada na mesma cidade o 29 de xaneiro de 2004, foi unha autora neozelandesa. É coñecida internacionalmente polo seu traballo, que inclúe novelas, contos, poesía, ficción xuvenil e unha autobiografía, e recibiu numerosos premios, entre eles ser nomeada para a Orde de Nova Zelandia, a máis alta honra civil do país.

A celebridade de Frame deriva da súa dramática historia persoal, ademais da súa carreira literaria. Despois de anos de hospitalización psiquiátrica, programóuselle unha lobotomía que foi cancelada cando, poucos días antes do procedemento, a súa publicación debut de relatos recibiu inesperadamente un premio literario nacional. Moitas das súas novelas e contos exploran a súa infancia e a súa hospitalización psiquiátrica desde a perspectiva da ficción, e a súa galardoada autobiografía en tres volumes foi adaptada no filme ''An Angel at My Table'' (1990), dirixido por Jane Campion. Provided by Wikipedia