George Chapman

Bardd, dramodydd, a chyfieithydd o Loegr oedd George Chapman (tua 1559 – 12 Mai 1634). Mae'n nodedig am ei gyfieithiad i'r Saesneg o'r ''Iliad'' a'r ''Odyseia'' gan Homeros.

Ganwyd yn Hitchin, Swydd Hertford, ac mae'n bosib iddo astudio ym Mhrifysgol Rhydychen, er na derbyniodd radd. Erbyn 1585, yr oedd Chapman yn Llundain yn gweithio i Syr Ralph Sadler, ac mae'n debyg iddo deithio i'r Isel Wledydd yn y cyfnod hwn. Ymhlith ei weithiau cynnar mae'r cerddi ''The Shadow of Night . . . Two Poeticall Hymnes'' (1593), ''Ovids Banquet of Sence'' (1595), a ''De Guiana, Carmen Epicum'' (1596). Cyflawnodd ei gyfieithiad o'r ''Iliad'' yn 1611, a'r ''Odyseia'' yn 1616. Carcharwyd Chapman, Ben Jonson, a John Marston yn 1605 am iddynt ddigio'r Brenin Iago am eu portread o'r Albanwyr yn y ddrama ''Eastward Ho''. Mae tua deuddeg o ddramâu gan Chapman yn goroesi, gan gynnwys y trasiedïau ''Bussy d’Ambois'' (1607), ''The Conspiracie, and Tragedie of Charles Duke of Byron'' (1608), a ''The Widdowes Teares'' (1612). Darparwyd gan Wikipedia