Elias Canetti

Scríbhneoir Giúdach a rugadh sa Bhulgáir ab ea Elias Canetti (Bulgáiris: Елиас Канети; 1905 - 1994). Do rugadh é ar an 25ú lá d'Iúil i gcathair Rousse (Bulgáiris: ''Русе'') na Bulgáire agus do fuair sé bás ar an 14ú lá de Lúnasa i Zürich na hEilvéise. Do fuair sé saoránacht Briotanach sa bhliain 1952 ach do chaith sé an chuid is mó dá shaol san Eilvéis ón bhliain 1972 amach.

Do chum sé drámaí, aistí - ''Masse und Macht'' (1960) ina measc -, aon úrscéal amháin - ''Die Blendung'' (1935) -, agus dírbheathaisnéis a foilsíodh i gceithre imleabhar idir 1977 agus 2003. Cé gurbh í Spáinnis Ghiúdach a theanga dhúchais agus go raibh Bulgáiris aige, do scríobhadh sé a chuid scríbhneoireachta i nGearmáinis. (Do chuir a mháthair an-bhéim ar an teanga san agus do mhúin sí dó í.) Bronnadh Duais Nobel na Litríochta air sa bhliain 1981. Curtha ar fáil ag Wikipedia